Αισώπου Μύθοι/Ζεύς και χελώνη
| Αἰσώπου Μῦθοι Ζεὺς καὶ χελώνη |
Ζεὺς γαμῶν πάντα τὰ ζῷα εἱστία. Μόνης δὲ χελώνης ὑστερησάσης, διαπορῶν τὴν αἰτίαν, τῇ ὑστεραίᾳ ἐπυνθάνετο αὐτῆς διὰ τί μόνη ἐπὶ τὸ δεῖπνον οὐκ ἦλθε. Τῆς δὲ εἰπούσης· «Οἶκος φίλος, οἶκος ἄριστος,» ἀγανακτήσας κατ’ αὐτῆς παρεσκεύασεν αὐτὴν τὸν οἶκον αὐτὸν βαστάζουσαν περιφέρειν.
Οὕτω πολλοὶ τῶν ἀνθρώπων αἱροῦνται μᾶλλον λιτῶς οἰκεῖν ἢ παρ’ ἄλλοις πολυτελῶς διαιτᾶσθαι.
Στα νέα Ελληνικά
[Επεξεργασία]Στο γάμο του ο Δίας κάλεσε όλα τα ζώα και αυτά πήγαν εκτός από τη χελώνα. Όταν ο Δίας την ρώτησε γιατί, αυτή απάντησε «Σπίτι μου σπιτάκι μου». Ο Δίας θύμωσε με αυτό και την υποχρέωσε στο εξής να κουβαλάει το σπίτι της μαζί της πάντα.