Αισώπου Μύθοι/Αλώπηξ και βάτος

Από Βικιθήκη
Πήδηση στην πλοήγηση Πήδηση στην αναζήτηση



Ἀλώπηξ καὶ βάτος



Ἀλώπηξ φραγμὸν ἀναβαίνουσα, ἐπειδὴ ὀλισθήσασα καταπίπτειν ἔμελλεν, ἐπελάβετο πρὸς βοήθειαν βάτου. Καὶ δὴ τοὺς πόδας ἐπὶ ταῖς ἐκείνης κέντροις αἱμάξασα καὶ ἀλγήσασα πρὸς αὐτὴν εἶπεν: "Οἴμοι: καταφυγοῦσάν με γὰρ ἐπὶ σὲ ὡς ἐπὶ βοηθὸν σὺ χεῖρον διέθηκας. "Ἀλλα' ἐσφάλης, ὦ αὕτη," φησὶν ἡ βάτος, "ἐμοῦ βουληθεῖσα ἐπιλαβέσθαι, ἥτις πάντων ἐπιλαμβάνεσθαι εἴωθα."

Ὁ μῦθος δηλοῖ ὅτι οὕτω καὶ τῶν ἀνθρώπων μάταιοι ὅσοι βοηθοῖς προστρέχουσιν οἷς τὸ ἀδικεῖν μᾶλλον ἔμφυτον.

Στα νέα Ελληνικά[Επεξεργασία]

Μιά αλεπού σκαρφάλωνε έναν φράχτη κ έπεσε, καθώς έπεφτε πιάστηκε απο έναν βάτο, αλλα ο βάτος της πλήγιασε κ της μάτωσε τα πόδια, κ τον επέπληττε: "ντροπήσου, σε έπιασα για να με βοηθήσεις στη δύσκολη στιγμή κ εσύ με έκανες χειρότερα!" - δικόσου το φταίξιμο, είπε ο βάτος, πώς θέλησες να πιαστείς απο μένα; που εγώ πιάνομαι απο τα πάντα!