Τρυγόνα

Από Βικιθήκη
Πήδηση στην πλοήγηση Πήδηση στην αναζήτηση
Τρυγόνα
Wikimedia-logo.svg Δείτε επίσης: σχετικό λήμμα. Παραδοσιακό τραγούδι Πόντου


Ακεί πέρα σ' ορμανόπον,
η Τρυγόνα, η κορώνα
έστεκεν κι εποίνεν ξύλα,
η Τρυγόνα, η κορώνα.
Τα ξύλα τ'ς έταν οξέας,
η Τρυγόνα, η κορώνα
κι άντρας ατ'ς έτον μυξέας,
η Τρυγόνα, η κορώνα.

Πορπατεί και πάει ομάλα,
η Τρυγόνα, η κορώνα
το ορταρόπα τ'ς αρνομάλλα,
η Τρυγόνα, η κορώνα.
Πορπατεί και πάει τίκα,
η Τρυγόνα, η κορώνα,
τ' ορταρόπα τ'ς είν' τιφτίκα,
η Τρυγόνα, η κορώνα.