Συγγραφέας:Μαίκιος Κόιντος
| ←Συγγραφείς: | Μαίκιος Κόιντος |
 Δείτε επίσης βιογραφία.
|
Επιγράμματα από την Παλατινή Ανθολογία
VI 33 Μαίκιου Κόιντου
[Επεξεργασία]- Αἰγιαλῖτα Πρίηπε, σαγηνευτῆρες ἔθηκαν δῶρα παρ' ἀκταίης σοὶ τάδ' ἐπωφελίης,
- θύννων εὐκλώστοιο λίνου βυσσώμασι ῥόμβον φράξαντες γλαυκαῖς ἐν παρόδοις πελάγευς?
- φηγίνεον κρητῆρα καὶ αὐτούργητον ἐρείχης βάθρον ἰδ' ὑαλέην οἰνοδόκον κύλικα,
- ὡς ἂν ὑπ' ὀρχησμῶν λελυγισμένον ἔγκοπον ἴχνος ἀμπαύσηις ξηρὴν δίψαν ἐλαυνόμενος.
VI 89 Μαίκιου Κόιντου
[Επεξεργασία]- Ἀκταίης νησῖδος ἁλιξάντοισι, Πρίηπε, χοιράσι καὶ τρηχεῖ τερπόμενε σκοπέλωι
- σοὶ Πάρις ὀστρακόδερμον ὑπ' εὐθήροισι δαμέντα ὁ γριπεὺς καλάμοις κάραβον ἐκρέμασεν,
- σάρκα μὲν ἔμπυρον αὐτὸς ὑφ' ἡμίβρωτον ὀδόντα θείς, μάκαρ, αὐτὸ δὲ σοὶ τοῦτο πόρε σκύβαλον.
- τῶι σὺ δίδου μὴ πολλά, δι' εὐάγρου δὲ λίνοιο, δαῖμον, ὑλακτούσης νηδύος ἡσυχίην.