Συγγραφέας:Ηδύλος
| ←Συγγραφείς: | Ηδύλος (γεννήθηκε περί το 300 π.Χ.) |
 Δείτε επίσης βιογραφία.
|
Επιγράμματα στην Παλατινή Ανθολογία
- V 199 Οίνος και προπόσεις κατεκοίμισαν Αγλαονίκην
- VI 292 Αἱ μίτραι τό θ' ἁλουργὲς ὑπένδυμα τοί τε Λάκωνες
V 199 Ηδύλου
[Επεξεργασία]- Οἶνος καὶ προπόσεις κατεκοίμισαν Ἀγλαονίκην αἱ δόλιαι, καὶ ἔρως ἡδὺς ὁ Νικαγόρεω,
- ἧς πάρα Κύπριδι ταῦτα μύροις ἔτι πάντα μυδῶντα κεῖνται, παρθενίων ὑγρὰ λάφυρα πόθων,
- σάνδαλα, καὶ μαλακαί, μαστῶν ἐνδύματα, μίτραι, ὕπνου καὶ σκυλμῶν τῶν τότε μαρτύρια.
VI 292 Ηδύλου
[Επεξεργασία]- Αἱ μίτραι τό θ' ἁλουργὲς ὑπένδυμα τοί τε Λάκωνες πέπλοι καὶ ληρῶν οἱ χρύσεοι κάλαμοι,
- πάνθ' ἅμα Νικονόηι συνεπήιεν· ἦν γὰρ Ἐρώτων καὶ Χαρίτων ἡ παῖς ἀμβρόσιόν τι θάλος.
- τοιγὰρ τῶι κρίναντι τὰ καλλιστεῖα Πριάπωι νεβρίδα καὶ χρυσέην τήνδ' ἔθετο προχόην.
|