Αυτή η σελίδα δεν έχει ελεγχθεί ακόμη για πιθανά λάθη.
THE WORKS OF LUCIAN
ΣΙΜΩΝ
Τέχνη γάρ, κἀγὼ ταύτης δημιουργός.
ΤΥΧΙΑΔΗΣ
Καὶ σὺ ἄρα παράσιτος;
ΣΙΜΩΝ
Πάνυ ὠνείδισας, ὦ Τυχιάδη.
ΤΥΧΙΑΔΗΣ
Ἀλλʼ οὐκ ἐρυθριᾷς παράσιτον σαυτὸν καλῶν;
ΣΙΜΩΝ
Οὐδαμῶς· αἰσχυνοίμην γὰρ ἄν, εἰ μὴ λέγοιμι.
ΤΥΧΙΑΔΗΣ
Καὶ νὴ Δία ὁπόταν σε βουλώμεθα γνωρίζειν τῶν οὐκ ἐπισταμένων τῳ, ὅτε χρῄζοι μαθεῖν, ὁ παράσιτος δῆλον ὅτι φήσομεν εὖ λέγοντες;
ΣΙΜΩΝ
Πολὺ μᾶλλον τοῦτο λέγοντες ἐμὲ ἢ Φειδίαν ἀγαλματοποιόν· χαίρω γὰρ τῇ τέχνῃ οὐδέν τι ἧττον ἢ Φειδίας ἔχαιρε τῷ Διί.
ΤΥΧΙΑΔΗΣ
Καὶ μὴν ἐκεῖνό μοι σκοποῦντι προοῖσται γέλως πάμπολυς.
ΣΙΜΩΝ
Τὸ ποῖον;
ΤΥΧΙΑΔΗΣ
Εἴ γε καὶ ταῖς ἐπιστολαῖς ἄνωθεν ὥσπερ ἔθος ἐπιγράφοιμεν, Σίμωνι παρασίτῳ.
242
