Σελίδα:Homeri Opera, vol. 1 (1920).djvu/192

8. ΙΛΙΑΔΟΣ Θ

λύσας ἐξ ὀχέων, κατὰ δ’ ἠέρα πουλὺν ἔχευεν. 50
αὐτὸς δ’ ἐν κορυφῇσι καθέζετο κύδεϊ γαίων,
εἰσορόων Τρώων τε πόλιν καὶ νῆας Ἀχαιῶν.
Οἱ δ’ ἄρα δεῖπνον ἕλοντο κάρη κομόωντες Ἀχαιοὶ
ῥίμφα κατὰ κλισίας, ἀπὸ δ’ αὐτοῦ θωρήσσοντο.
Τρῶες δ’ αὖθ’ ἑτέρωθεν ἀνὰ πτόλιν ὁπλίζοντο, 55
παυρότεροι· μέμασαν δὲ καὶ ὧς ὑσμῖνι μάχεσθαι
χρειοῖ ἀναγκαίῃ, πρό τε παίδων καὶ πρὸ γυναικῶν.
πᾶσαι δ’ ὠΐγνυντο πύλαι, ἐκ δ’ ἔσσυτο λαός,
πεζοί θ’ ἱππῆές τε· πολὺς δ’ ὀρυμαγδὸς ὀρώρει.
Οἱ δ’ ὅτε δή ῥ’ ἐς χῶρον ἕνα ξυνιόντες ἵκοντο, 60
σύν ῥ’ ἔβαλον ῥινούς, σὺν δ’ ἔγχεα καὶ μένε’ ἀνδρῶν
χαλκεοθωρήκων· ἀτὰρ ἀσπίδες ὀμφαλόεσσαι
ἔπληντ’ ἀλλήλῃσι, πολὺς δ’ ὀρυμαγδὸς ὀρώρει.
ἔνθα δ’ ἅμ’ οἰμωγή τε καὶ εὐχωλὴ πέλεν ἀνδρῶν
ὀλλύντων τε καὶ ὀλλυμένων, ῥέε δ’ αἵματι γαῖα. 65
Ὄφρα μὲν ἠὼς ἦν καὶ ἀέξετο ἱερὸν ἦμαρ,
τόφρα μάλ’ ἀμφοτέρων βέλε’ ἥπτετο, πῖπτε δὲ λαός.
ἦμος δ’ Ἠέλιος μέσον οὐρανὸν ἀμφιβεβήκει,
καὶ τότε δὴ χρύσεια πατὴρ ἐτίταινε τάλαντα·
ἐν δ’ ἐτίθει δύο κῆρε τανηλεγέος θανάτοιο, 70
Τρώων θ’ ἱπποδάμων καὶ Ἀχαιῶν χαλκοχιτώνων,
ἕλκε δὲ μέσσα λαβών· ῥέπε δ’ αἴσιμον ἦμαρ Ἀχαιῶν.
αἱ μὲν Ἀχαιῶν κῆρες ἐπὶ χθονὶ πουλυβοτείρῃ
ἑζέσθην, Τρώων δὲ πρὸς οὐρανὸν εὐρὺν ἄερθεν·
αὐτὸς δ’ ἐξ Ἴδης μεγάλ’ ἔκτυπε, δαιόμενον δὲ 75
ἧκε σέλας μετὰ λαὸν Ἀχαιῶν· οἱ δὲ ἰδόντες
θάμβησαν, καὶ πάντας ὑπὸ χλωρὸν δέος εἷλεν.
Ἔνθ’ οὔτ’ Ἰδομενεὺς τλῆ μίμνειν οὔτ’ Ἀγαμέμνων,

50 κατὰ e f h Eust. A B C T al.: παρὰ V¹⁶: περὶ pleriquepost 52 quattor vss. add. ${\mathfrak {P}}$⁷54 ἀπὸ δ’ αὐτοῦ] τοὶ δ’ αὐτόθι v. l. ant.54 a ]ισεσ[]ι54 b c d = B 477–479 ${\mathfrak {P}}$⁷55 ὁπλίζοντο Ar. f B T al.: ὥπ- cet.55 a b c d = Λ 57–60 ${\mathfrak {P}}$⁷58 ωιγο[ντο ${\mathfrak {P}}$⁷59 om. ${\mathfrak {P}}$¹⁷ uv.64 ἔνθ’ ἅμα c q: ἔνθ’ ἅμ’ p B C L⁹ L¹² M⁴ O⁵ T V¹¹ V¹⁹ V²⁰ al.: ἔνθ’ ἄρα P¹¹ V²³ Vi¹65 a b c = Σ 535–537 ${\mathfrak {P}}$⁷ d ν[]τ[ ${\mathfrak {P}}$⁷ deinde fort. quattor versus deperditi69 αὐτὸς δὴ cit. Eus. praep. ev. xiii 13, 5973–74 ath. Ar.74 ἕζεσθεν v. l. ant.77 εἷλεν] ᾕρει h L¹⁹ L¹² M¹⁰ v. l. in A