Παλατινή Ανθολογία/V/292 Αγαθία
< Παλατινή Ανθολογία | V
| ←Βιβλίο 5o, 291 | AP V 292 Ἐνθάδε μὲν χλοάουσα τεθηλότι βῶλος Συγγραφέας: Παλατινή Ανθολογία, V (βιβλίο 5ο, Ερωτικά επιγράμματα) |
Βιβλίο 5o, 293→ |
| Ἐνθάδε μὲν χλοάουσα τεθηλότι βῶλος, Αγαθία του Σχολαστικού, Παλατινή Ανθολογία, βιβλίο 5, επίγραμμα 292 (AP V 292) |
V 292 Αγαθία
[Επεξεργασία]- Πέραν τῆς πόλεως διάγοντος διὰ τὰ λύσιμα τῶν νόμων
- ὑπομνηστικὸν πεμφθὲν πρὸς Παῦλον Σιλεντιάριον
- Ἐνθάδε μὲν χλοάουσα τεθηλότι βῶλος ὀράμνωι φυλλάδος εὐκάρπου πᾶσαν ἔδειξε χάριν·
- ἐνθάδε δὲ κλάζουσιν ὑπὸ σκιεραῖς κυπαρίσσοις ὄρνιθες δροσερῶν μητέρες ὀρταλίχων,
- καὶ λιγυρὸν βομβεῦσιν ἀκανθίδες· ἡ δ' ὀλολυγὼν τρύζει, τρηχαλέαις ἐνδιάουσα βάτοις.
- ἀλλὰ τί μοι τῶν ἦδος, ἐπεὶ σέο μῦθον ἀκούειν ἤθελον ἢ κιθάρης κρούσματα Δηλιάδος;
- καί μοι δισσὸς ἔρως περικίδναται· εἰσοράαν γὰρ καὶ σέ, μάκαρ, ποθέω καὶ γλυκερὴν δάμαλιν,
- ἧς με περισμύχουσι μεληδόνες. ἀλλά με θεσμοὶ εἴργουσιν ῥαδινῆς τηλόθι δορκαλίδος.