Παλατινή Ανθολογία/V/286 Παύλου του Σιλεντιάριου
< Παλατινή Ανθολογία | V
| ←Βιβλίο 5o, 285 | Φράζεό μοι, Κλεόφαντις, ὅση χάρις, ὁππότε δοιοὺς Συγγραφέας: Παλατινή Ανθολογία, V (βιβλίο 5ο) |
Βιβλίο 5o, 287→ |
| Φράζεό μοι, Κλεόφαντις, ὅση χάρις, ὁππότε δοιοὺς, Παύλος ο Σιλεντιάριος, Παλατινή Ανθολογία, βιβλίο 5ο, επίγραμμα 286 (AP V 286) |
V 286 Παύλου του Σιλεντιάριου[Επεξεργασία]
- Φράζεό μοι, Κλεόφαντις, ὅση χάρις, ὁππότε δοιοὺς λάβρον ἐπαιγίζων ἶσος ἔρως κλονέει.
- ποῖος ἄρης ἢ τάρβος ἀπείριτον ἠὲ τίς αἰδὼς τούσδε διακρίνει πλέγματα βαλλομένους;
- εἴη μοι μελέεσσι τὰ Λήμνιος ἥρμοσεν ἄκμων δεσμὰ καὶ ῾Ηφαίστου πᾶσα δολορραφίη,
- μοῦνον ἐγώ, χαρίεσσα, τεὸν δέμας ἀγκὰς ἑλίξας θελγοίμην ἐπὶ σοῖς ἅψεσι βουλόμενος,
- δὴ τότε καὶ ξεῖνός με καὶ ἐνδάπιος καὶ ιδίτης, πότνα, καὶ ἀρητὴρ χἠ παράκοιτις ἴδοι.