Παλατινή Ανθολογία/V/280 Αγαθία

AP V 280 Ἦ ῥά γε καὶ σύ, Φίλιννα, φέρεις πόθον;
Συγγραφέας: Αγαθίας ο Σχολαστικός
Παλατινή Ανθολογία, V (βιβλίο 5ο, Ερωτικά επιγράμματα)

Ἦ ῥά γε καὶ σύ, Φίλιννα, φέρεις πόθον;, Αγαθία του Σχολαστικού, Παλατινή Ανθολογία, βιβλίο 5, επίγραμμα 280 (AP V 280)

V 280 Αγαθία

Ἦ ῥά γε καὶ σύ, Φίλιννα, φέρεις πόθον; ἦ ῥὰ καὶ αὐτὴ κάμνεις, αὐαλέοις ὄμμασι τηκομένη;

ἢ σὺ μὲν ὕπνον ἔχεις γλυκερώτατον, ἡμετέρης δὲ φροντίδος οὔτε λόγος γίνεται οὔτ' ἀριθμός;

εὑρήσεις τά<χ'> ὅμοια, τεὴν δ', ἀμέγαρτε, παρειὴν ἀθρήσω θαμινοῖς δάκρυσι τεγγομένην.

Κύπρις γὰρ τὰ μὲν ἄλλα παλίγκοτος, ἓν δέ τι καλὸν ἔλλαχεν, ἐχθαίρει τὰς σοβαρευομένας.