Παλατινή Ανθολογία/V/280 Αγαθία
< Παλατινή Ανθολογία | V
(Ανακατεύθυνση από Παλατινή Ανθολογία/V/280)| ←Βιβλίο 5o, 279 | AP V 280 Ἦ ῥά γε καὶ σύ, Φίλιννα, φέρεις πόθον; Συγγραφέας: Παλατινή Ανθολογία, V (βιβλίο 5ο, Ερωτικά επιγράμματα) |
Βιβλίο 5o, 281→ |
| Ἦ ῥά γε καὶ σύ, Φίλιννα, φέρεις πόθον;, Αγαθία του Σχολαστικού, Παλατινή Ανθολογία, βιβλίο 5, επίγραμμα 280 (AP V 280) |
V 280 Αγαθία
[Επεξεργασία]- Ἦ ῥά γε καὶ σύ, Φίλιννα, φέρεις πόθον; ἦ ῥὰ καὶ αὐτὴ κάμνεις, αὐαλέοις ὄμμασι τηκομένη;
- ἢ σὺ μὲν ὕπνον ἔχεις γλυκερώτατον, ἡμετέρης δὲ φροντίδος οὔτε λόγος γίνεται οὔτ' ἀριθμός;
- εὑρήσεις τά<χ'> ὅμοια, τεὴν δ', ἀμέγαρτε, παρειὴν ἀθρήσω θαμινοῖς δάκρυσι τεγγομένην.
- Κύπρις γὰρ τὰ μὲν ἄλλα παλίγκοτος, ἓν δέ τι καλὸν ἔλλαχεν, ἐχθαίρει τὰς σοβαρευομένας.