Παλατινή Ανθολογία/VI/43 Πλάτωνος
< Παλατινή Ανθολογία | VI
(Ανακατεύθυνση από Παλατινή Ανθολογία/VI/43)| ←Βιβλίο 6o, 42 | Τὸν Νυμφῶν θεράποντα φιλόμβριον ὑγρὸν ἀοιδόν Συγγραφέας: Παλατινή Ανθολογία, VI (βιβλίο 6ο) |
Βιβλίο 6o, 44→ |
| Τὸν Νυμφῶν θεράποντα φιλόμβριον ὑγρὸν ἀοιδόν, Πλάτωνος, Παλατινή Ανθολογία, βιβλίο 6ο (AP VI 43) |
VI 43 Πλάτωνος
[Επεξεργασία]- Τὸν Νυμφῶν θεράποντα φιλόμβριον ὑγρὸν ἀοιδόν͵ τὸν λιβάσιν κούφαις τερπόμενον βάτραχον
- χαλκῶι μορφώσας τις ὁδοιπόρος εὖχος ἔθηκεν, καύματος ἐχθροτάτην δίψαν ἀκεσσάμενος.
- πλαζομένωι γὰρ ἔδειξεν ὕδωρ, εὔκαιρον ἀείσας κοιλάδος ἐκ δροσερῆς ἀμφιβίωι στόματι.
- φωνὴν δ΄ ἡγήτειραν ὁδοιπόρος οὐκ ἀπολείπων ηὗρε πόσιν γλυκερῶν ὧν ἐπόθει ναμάτων.