Σελίδα:Aeschylus (Smyth 1927) v1.djvu/432

AESCHYLUS

πόλις πέφευγεν ἥδε δούλιον ζυγόν·
πέπτωκεν ἀνδρῶν ὀβρίμων κομπάσματα·
795 πόλις δ᾽ ἐν εὐδίᾳ τε καὶ κλυδωνίου
πολλαῖσι πληγαῖς ἄντλον οὐκ ἐδέξατο.
στέγει δὲ πύργος, καὶ πύλας φερεγγύοις
ἐφραξάμεσθα μονομάχοισι προστάταις·
καλῶς ἔχει τὰ πλεῖστ᾽, ἐν ἓξ πυλώμασι·
800 τὰς δ᾽ ἑβδόμας ὁ σεμνὸς ἑβδομαγέτης
ἄναξ Ἀπόλλων εἵλετ᾽, Οἰδίπου γένει
κραίνων παλαιὰς Λαΐου δυσβουλίας.

Χορος
τί δ᾽ ἔστι πρᾶγμα νεόκοτον πόλει πλέον;

Αγγελος
πόλις σέσωσται· βασιλέες δ᾽ ὁμόσποροι—

Χορος
805 τίνες; τί δ᾽ εἶπας; παραφρονῶ φόβῳ λόγου.

Αγγελος
φρονοῦσα νῦν ἄκουσον· Οἰδίπου τόκοι—

Χορος
οἲ ᾽γὼ τάλαινα, μάντις εἰμὶ τῶν κακῶν.

Αγγελος
οὐδ᾽ ἀμφιλέκτως μὴν κατεσποδημένοι—

388