Σελίδα:Aeschylus (Smyth 1926) v2.djvu/60

AESCHYLUS

αὐτόχθονον πατρῷον ἔθρισεν δόμον.
διπλᾶ δ᾽ ἔτεισαν Πριαμίδαι θἀμάρτια.

Χορος
κῆρυξ Ἀχαιῶν χαῖρε τῶν ἀπὸ στρατοῦ.

Κηρυξ
χαίρω <γε>· τεθνάναι δ᾽ οὐκέτ᾽ ἀντερῶ θεοῖς.

Χορος
540 ἔρως πατρῴας τῆσδε γῆς σ᾽ ἐγύμνασεν;

Κηρυξ
ὥστ᾽ ἐνδακρύειν γ᾽ ὄμμασιν χαρᾶς ὕπο.

Χορος
τερπνῆς ἄρ᾽ ἦστε τῆσδ᾽ ἐπήβολοι νόσου.

Κηρυξ
πῶς δή; διδαχθεὶς τοῦδε δεσπόσω λόγου.

Χορος
τῶν ἀντερώντων ἱμέρῳ πεπληγμένοι.

Κηρυξ
545 ποθεῖν ποθοῦντα τήνδε γῆν στρατὸν λέγεις;

46