Σελίδα:Aeschylus (Smyth 1926) v2.djvu/40

AESCHYLUS

Κλυταιμηστρα
εὖ γὰρ φρονοῦντος ὄμμα σοῦ κατηγορεῖ.

Χορος
τί γὰρ τὸ πιστόν; ἔστι τῶνδέ σοι τέκμαρ;

Κλυταιμηστρα
ἔστιν· τί δ᾽ οὐχί; μὴ δολώσαντος θεοῦ.

Χορος
πότερα δ᾽ ὀνείρων φάσματ᾽ εὐπιθῆ σέβεις;

Κλυταιμηστρα
275 οὐ δόξαν ἂν λάβοιμι βριζούσης φρενός.

Χορος
ἀλλ᾽ ἦ σ᾽ ἐπίανέν τις ἄπτερος φάτις;

Κλυταιμηστρα
παιδὸς νέας ὣς κάρτ᾽ ἐμωμήσω φρένας.

Χορος
ποίου χρόνου δὲ καὶ πεπόρθηται πόλις;

Κλυταιμηστρα
τῆς νῦν τεκούσης φῶς τόδ᾽ εὐφρόνης λέγω.

Χορος
280 καὶ τίς τόδ᾽ ἐξίκοιτ᾽ ἂν ἀγγέλων τάχος;

26