Σελίδα:Aeschylus (Smyth 1926) v2.djvu/122

AESCHYLUS

1240 τὸ μέλλον ἥξει. καὶ σύ μ᾽ ἐν τάχει παρὼν
ἄγαν γ᾽ ἀληθόμαντιν οἰκτίρας ἐρεῖς.

Χορος
τὴν μὲν Θυέστου δαῖτα παιδείων κρεῶν
ξυνῆκα καὶ πέφρικα, καὶ φόβος μ᾽ ἔχει
κλύοντ᾽ ἀληθῶς οὐδὲν ἐξῃκασμένα.
1245 τὰ δ᾽ ἄλλ᾽ ἀκούσας ἐκ δρόμου πεσὼν τρέχω.

Κασανδρα
Ἀγαμέμνονός σέ φημ᾽ ἐπόψεσθαι μόρον.

Χορος
εὔφημον, ὦ τάλαινα, κοίμησον στόμα.

Κασανδρα
ἀλλ᾽ οὔτι παιὼν τῷδ᾽ ἐπιστατεῖ λόγῳ.

Χορος
οὔκ, εἴπερ ἔσται γ᾽· ἀλλὰ μὴ γένοιτό πως.

Κασανδρα
1250 σὺ μὲν κατεύχῃ, τοῖς δ᾽ ἀποκτείνειν μέλει.

Χορος
τίνος πρὸς ἀνδρὸς τοῦτ᾽ ἄγος πορσύνεται;

Κασανδρα
ἦ κάρτα τἄρ᾽ ἂν παρεκόπης χρησμῶν ἐμῶν.

108