Παλατινή Ανθολογία/X/75

X 75 ἠέρα λεπταλέον μυκτηρόθεν ἀμπνείοντες
Συγγραφέας: Παλλαδάς
Παλατινή Ανθολογία, X (βιβλίο 10ο, Προτρεπτικά επιγράμματα)

ἠέρα λεπταλέον μυκτηρόθεν ἀμπνείοντες (Παλλαδάς, βιβλίο 10ο επίγραμμα 75) (AP X 75)

X 75 Παλλαδάς

ἠέρα λεπταλέον μυκτηρόθεν ἀμπνείοντες

ζώομεν, ἠελίου λαμπάδα δερκόμενοι,

πάντες ὅσοι ζῶμεν κατὰ τὸν βίον ὄργανα δ᾽ ἐσμέν,

αὔραις ζῳογόνοις πνεύματα δεχνύμενοι.

εἰ δέ τις οὖν ὀλίγην παλάμῃ σφίγξειεν ἀυτμήν,

ψυχὴν συλήσας εἰς Ἀίδην κατάγει.

οὕτως οὐδὲν ἐόντες, ἀγηνορίῃ τρεφόμεσθα,

πνοιῆς ἐξ ὀλίγης ἠέρα βοσκόμενοι.