Παλατινή Ανθολογία/X/56

X 56 οὐδὲν σωφροσύνης τεκμήριόν ἐστι πρόδηλον
Συγγραφέας: Παλλαδάς
Παλατινή Ανθολογία, X (βιβλίο 10ο, Προτρεπτικά επιγράμματα)

οὐδὲν σωφροσύνης τεκμήριόν ἐστι πρόδηλον (Παλλαδάς, βιβλίο 10ο επίγραμμα 56) (AP X 56)

X 56 Παλλαδάς

οὐδὲν σωφροσύνης τεκμήριόν ἐστι πρόδηλον:

τοῖς ἐμπαιζομένοις ἀνδράσι ταῦτα λέγω.

οὔτε τὸ δύσμορφον πάντως ἀνύποπτον ὑπάρχει,

οὔτ᾽ ἀκολασταίνειν πᾶσα πέφυκε καλή,

καὶ γάρ τις διὰ τὴν ὥραν τοῖς πολλὰ διδοῦσιν

οὐχ ἕπεται: πολλὰς δ᾽ ἔστι γυναῖκας ἰδεῖν

οὐχὶ καλὰς τὴν ὄψιν, ὀπυιομένας ἀκορέστως,

καὶ τοῖς χ;χρησαμένοις πολλὰ χαριζομένας.

οὐκ εἴ τις συνάγει τὰς ὀφρύας, οὐδὲ γελῶσα

φαίνεται, ὀφθῆναὶ τ᾽ ἀνδράσιν ἐκτρέπεται,

σωφροσύνης τρόπος οὗτος ἐχέγγυος: ἀλλά τις εὕροι

μαχλάδα; μὲν κρύβδην τὴν πάνυ σεμνοτάτην,

τὰς δ᾽ ἱλαρὰς καὶ πᾶσι φιλανθρώπως προσιούσας

σώφρονας, εἰ σώφρων ἐστὶ γυνή τις ὅλως.

ἡλικίᾳ τοίνυν τάδε κρίνεται; ἀλλ᾽ Ἀφροδίτης

οἴστρων εἰρήνην οὐδὲ τὸ γῆρας ἔχει.

ὅρκοις λοιπὸν ἄγει τε πεποίθαμεν ἀλλὰ μεθ᾽ ὅρκον

ζητεῖν ἔστι θεοὺς δώδεκα και † νερεου.