Παλατινή Ανθολογία/X/50
< Παλατινή Ανθολογία | X
| ←Βιβλίο 10o, 49 | X 50 τὴν Κίρκην οὔ φημι, καθὼς εἴρηκεν Ὅμηρος Συγγραφέας: Παλατινή Ανθολογία, X (βιβλίο 10ο, Προτρεπτικά επιγράμματα) |
Βιβλίο 10o, 51→ |
| τὴν Κίρκην οὔ φημι, καθὼς εἴρηκεν Ὅμηρος (Παλλαδάς, βιβλίο 10ο επίγραμμα 50) (AP X 50) |
X 50 Παλλαδάς
[Επεξεργασία]- τὴν Κίρκην οὔ φημι, καθὼς εἴρηκεν Ὅμηρος,
- ἀντ᾽ ἀνδρῶν ποιεῖν ἢ σύας ἠὲ λύκους
- τοὺς αὐτῇ προσιόντας: ἑταίρα δ᾽ οὖσα πανοῦργος,
- τοὺς δελεασθέντας πτωχοτάτους ἐποίει:
- τῶν δ᾽ ἀνθρωπείων ἀποσυλήσασα λογισμῶν,
- εἶτ᾽ ἀπὸ τῶν ἰδίων μηδὲν ἔχοντας ἔτι
- ἔτρεφεν ἔνδον ἔχουσα δίκην ζῴων ἀλογίστων.
- ἔμφρων δ᾽ ὢν Ὀδυσεύς, τὴν νεότητα φυγών,
- οὐχ Ἑρμοῦ, φύσεως δ᾽ ἰδίας ἐμφύντα λογισμὸν
- εἶχε γοητείας φάρμακον ἀντίπαλον.