Παλατινή Ανθολογία/VII/506
| ←Βιβλίο 7o, 505 | AP VII 506 κἠν γῇ καὶ πόντῳ κεκρύμμεθα Συγγραφέας: Παλατινή Ανθολογία, VII (βιβλίο 7ο Επιτύμβια επιγράμματα) |
Βιβλίο 7o, 507→ |
| κἠν γῇ καὶ πόντῳ κεκρύμμεθα, Λεωνίδας, Παλατινή Ανθολογία, βιβλίο 7ο, επίγραμμα 506 (ΑΠ VII 506) |
VII 506 Λεωνίδας
[Επεξεργασία]- κἠν γῇ καὶ πόντῳ κεκρύμμεθα: τοῦτο περισσὸν
- ἐκ Μοιρέων Θάρσυς Χαρμίδου ἠνύσατο.
- ἦ γὰρ ἐπ᾽ ἀγκύρης ἔνοχον βάρος εἰς ἅλα δύνων,
- Ἰόνιὸν θ᾽ ὑγρὸν κῦμα κατερχόμενος,
- τὴν μὲν ἔσως1᾽, αὐτὸς δὲ μετάτροπος ἐκ βυθοῦ ἔρρων
- ἤδη καὶ ναύταις χεῖρας ὀρεγνύμενος,
- ἐβρώθην τοῖόν μοι ἐπ᾽ ἄγριον εὖ μέγα κῆτος
- ἦλθεν, ἀπέβροξεν δ᾽ ἄχρις ἐπ᾽ ὀμφαλίου.
- χἤμισυ μὲν ναῦται, ψυχρὸν βάρος, ἐξ ἁλὸς ἡμῶν
- ἤρανθ᾽, ἥμισυ δὲ πρίστις ἀπεκλάσατο:
- ᾐόνι δ᾽ ἐν ταύτῃ κακὰ λείψανα Θάρσυος, ὦνερ,
- ἔκρυψαν πάτρην δ᾽ οὐ πάλιν ἱκόμεθα.