Ορφικοί ύμνοι/Βορέου

Από Βικιθήκη
(Ανακατεύθυνση από Βορέου)
Ὀρφικοὶ ὕμνοι
Βορέου, θυμίαμα λίβανον


Χειμερίοις αὔρῃσι δονῶν βαθὺν ἠέρα κόσμου,
κρυμοπαγὲς Βορέα, χιονώδεος ἔλθ’ ἀπὸ Θρῄκης
λῦέ τε παννέφελον στάσιν ἠέρος ὑγροκελεύθου
ἰκμάσι ῥιπίζων νοτεραῖς ὀμβρηγενὲς ὕδωρ,
αἴθρια πάντα τιθείς, θαλερόμματον αἰθέρα τεύχων 5
ἀκτῖσιν λάμπουσαν ἐπὶ χθονὸς ἠελίοιο.