Αισώπου Μύθοι/Αλώπηξ και πίθηκος περί ευγενείας ερίζοντες

Από Βικιθήκη

Μετάβαση σε: πλοήγηση, αναζήτηση


Ἀλώπηξ καὶ πίθηκος περὶ εὐγενείας ἐρίζοντες



Ἀλώπηξ καὶ πίθηκος ἐν ταὐτῷ ὁδοιποροῦντες περὶ εὐγενείας ἤριζον. Πολλὰ δὲ ἑκατέρου διεξιόντος, ἐπειδὴ ἐγένοντο κατά τινα τόπον, ἐνταῦθα ἀποβλέψας ἀνεστέναξεν ὁ πίθηκος. Τῆς δὲ ἀλώπεκος ἐρομένης τὴν αἰτίαν, ὁ πίθηκος ἐπιδείξας αὐτῇ τὰ μνήματα, εἶπεν· "Ἀλλ' οὐ μέλλω κλάειν, ὁρῶν τὰς στήλας τῶν πατρικῶν μου ἀπελευθέρων καὶ δούλων;" Κἀκείνη πρὸς αὐτὸν ἔφη· "Ἀλλὰ ψεύδου ὅσα βούλει· οὐδεὶς γὰρ τούτων ἀναστὰς ἐλέγξει σε."

Οὕτω καὶ τῶν ἀνθρώπων οἱ ψευδολόγοι τότε μάλιστα καταλαζονεύονται, ὅταν τοὺς ἐλέγχοντας μὴ ἔχωσιν.

Ανακτήθηκε από το "http://el.wikisource.org/wiki/%CE%91%CE%B9%CF%83%CF%8E%CF%80%CE%BF%CF%85_%CE%9C%CF%8D%CE%B8%CE%BF%CE%B9/%CE%91%CE%BB%CF%8E%CF%80%CE%B7%CE%BE_%CE%BA%CE%B1%CE%B9_%CF%80%CE%AF%CE%B8%CE%B7%CE%BA%CE%BF%CF%82_%CF%80%CE%B5%CF%81%CE%AF_%CE%B5%CF%85%CE%B3%CE%B5%CE%BD%CE%B5%CE%AF%CE%B1%CF%82_%CE%B5%CF%81%CE%AF%CE%B6%CE%BF%CE%BD%CF%84%CE%B5%CF%82".
σε άλλες γλώσσες