Ύμνοι και Επιθαλάμια

[Επεξεργασία] Ύμνοι

[Επεξεργασία] Απόσπασμα 2 - Ωδή εις Ανακτορία

[Επεξεργασία] Απόσπασμα 3

Αστέρες μέν ἀμφι κάλαν σελάνναν

ἆιψ ἀπυκρύπτοισι φάεννον εἶδος,

ὄπποτα πλήθοισα μάλιστα λάμπης

ἀργύρια γᾶν.

[Επεξεργασία] Απόσπασμα 4

[Επεξεργασία] Απόσπασμα 5

ἔλθε δὴ σὺ στέμματ᾽ ἔλοισα, Κύπρι,

χρυσίαισιν ἐν κυλίκεσσιν ἄβρως

συμμεμείχμενον θαλίαισι νέκταρ

οἰνοχόεισα.

[Επεξεργασία] Απόσπασμα 6

Ἤ σε Κύπρος καὶ Πάφος ἢ Πάνορμος.

[Επεξεργασία] Απόσπασμα 7

Σοὶ δ' ἔγω λεύκας ἐπὶ βῶμον αἶγος

. . .

κἀπιλείψω τοι...

[Επεξεργασία] Κέλομαι σε, Γογγύλα

[Επεξεργασία] Απόσπασμα 9

Αἴθ' ἔγω, χρυσοστέφαν' Ἀφρόδιτα,

τόνδε τὸν πάλον λαχόην.

[Επεξεργασία] Απόσπασμα 10

Αἴ με τιμίαν ἐπόησαν ἔργα

τὰ σφὰ δοῖσαι.

[Επεξεργασία] Απόσπασμα 11 - Ταις έμαις εταίραις

Τάδε νῦν ἐταίραις

ταῖς ἔμαισι τέρπνα κάλως ἀείσω.

[Επεξεργασία] Απόσπασμα 12

Ὄττινας γὰρ

εὖ θέω, κῆνοί με μάλιστα σίννον-

ται ....

[Επεξεργασία] Απόσπασμα 13

Ἔγω δὲ κήν' ὄτ-

τω τις ἔραται.

[Επεξεργασία] Απόσπασμα 14

Ταῖς κάλαις υμμιν τὸ νόημα τὦμον

οἰ διάμειπτον.

[Επεξεργασία] Απόσπασμα 15

Ἔγων δ' ἐμαύτᾳ

τοῦτο σύνοιδα.

[Επεξεργασία] Απόσπασμα 16 - Φίλτατον Γαίας γένος Ὀρράνω τε

[Επεξεργασία] Απόσπασμα 17

κατ' ἔμον στάλαγμον·

Τὸν δ ἐπιπλάζοντες ἄμοι φέροιεν

καὶ μελεδώναις.

[Επεξεργασία] Απόσπασμα 18

Ἀρτίως μ' ἀ χρυσοπέδιλλος Αὔως.

[Επεξεργασία] Απόσπασμα 19

Πόδας δέ

ποίκιλος μάσλης ἐκάλυπτε, Λύδι-

ον κάλον ἔργον.

[Επεξεργασία] Απόσπασμα 26

Κεῖνον, ῶ χρυσόθρονε Μοῦσ', ἔνισπες

ὕμνον, ἐκ τᾶς καλλιγύναικος ἐσθλᾶς

Τήιος χώρας ὃν ἄειδε τερπνῶς

πρέσβυς ἀγαυός.

[Επεξεργασία] Απόσπασμα 27

σκιδναμένας ἐν στήθεσιν ὄργας

μαψυλάκαν γλῶσσαν πεφύλαχθαι.

[Επεξεργασία] Απόσπασμα 28 - Θέλω τι τ' είπην

Α´.

θέλω τί τ᾽ εἴπην, ἀλλά με κωλύει

αἴδως.

Β´.

αἰ δ᾽ ἦχες ἔσλων ἴμερον ἢ κάλων,

καὶ μή τί τ᾽ εἴπην γλῶσσ᾽ ἐκύκα κάκον,

αἴδως κε νῦν σ᾽ οὐκ ἦχεν ὄππατ᾽,

ἀλλ᾽ ἔλεγες περὶ τῶ δικαίως.

[Επεξεργασία] Απόσπασμα 29

Στᾶθι κἄντα φίλος . . .

καὶ τὰν ἐπ' ὄσσοις ἀμπέτασον χάριν.

[Επεξεργασία] Απόσπασμα 30

Χρύσεοι δ' ἐρέβινθοι ἐπ' ἀϊόνων ἐφύοντο.

[Επεξεργασία] Απόσπασμα 31 - Λητώ και Νιόβη

Λάτω καὶ Νιόβα μάλα μὲν φίλαι ἦσαν ἔταιραι.

[Επεξεργασία] Απόσπασμα 32

Μνάσεσθαί τινά φαμι καὶ ὔστερον ἄμμεων.

[Επεξεργασία] Απόσπασμα 33

Ἠράμαν μὲν ἔγω σέθεν, Ἄτθι, πάλαι πότα.

Σμίκρα μοι πάϊς ἔμμεν ἐφαίνεο κἄχαρις.

[Επεξεργασία] Απόσπασμα 36

Οὐκ οἶδ' οττι θέω· δύο μοι τα νοήματα.

[Επεξεργασία] Απόσπασμα 37

Ψαύην δ' οὐ δοκίμοιμ' ὀράνω δύσι πάχεσιν.

[Επεξεργασία] Απόσπασμα 38

Ὠς δὲ παῖς πεδα μάτερα πεπτερύγωμαι.

[Επεξεργασία] Απόσπασμα 39

Ἦρος ἄγγελος ἰμερόφωνος ἀήδων.

[Επεξεργασία] Απόσπασμα 40-41

Ἔρος δηὖτέ μ᾽ ὀ λυσιμέλης δόνει

γλυκύπικρον ἀμάχανον ὄρπετον,

Ἄτθι, σοὶ δ᾽ ἔμεθεν μὲν ἀπήχθετο

φροντίσδην, ἐπὶ δ᾽ Ἀνδρομέδαν πότηι.

[Επεξεργασία] Απόσπασμα 42

Ἔρος δ᾽ ἐτίναξέ μοι

φρένας, ὠς ἄνεμος κὰτ ὄρος δρύσιν ἐμπέτων.

[Επεξεργασία] Απόσπασμα 44

χειρόμακτρα δὲ καγγόνων

πορφύρα καταΰτμενα,

καὶ ταῦτα μὲν ἀτιμάσεις,

...ἔπεμψ᾽ ἀπὺ Φωκάας

δῶρα τίμια λαγγόνων.

[Επεξεργασία] Απόσπασμα 45

Ἄγε δὴ χέλυ δῖά μοι

φωνάεσσα γένοιο.

[Επεξεργασία] Απόσπασμα 46

Κἀπάλαις ὑποθύμιδας

πλέκταις ἀμπ' ἀπάλᾳ δέρα

[Επεξεργασία] Απόσπασμα 47

Γέλλως παιδοφιλωτέρα.

[Επεξεργασία] Απόσπασμα 48

ἦλθες, κάλ' ἐπόησας, ἔγω δέ σ᾿ ἐμαιόμαν,

ὂν δ᾿ ἔφλυξας ἔμαν φρένα καιομέναν πόθωι

χαῖρε πόλλα . . ἰσάριθμά τε τῶι χρόνωι

[Επεξεργασία] Απόσπασμα 50

Ἔγω δ' ἐπὶ μαλθάκαν

τύλαν σπολέω μέλεα.

[Επεξεργασία] Απόσπασμα 51

[Επεξεργασία] Απόσπασμα 52 - Δέδυκε μεν α σελάννα

Δέδυκε μὲν ἀ σελάννα

καὶ Πληίαδες· μέσαι δὲ

νύκτες, παρὰ δ᾽ ἔρχετ᾽ ὤρα·

ἔγω δὲ μόνα κατεύδω.

[Επεξεργασία] Απόσπασμα 53

Πλήρης μὲν ἐφαίνετ᾽ ἀ σελάννα·

αἲ δ᾽ ὠς περὶ βῶμον ἐστάθησαν

[Επεξεργασία] Απόσπασμα 54

Κρῆσσαί νύ ποτ᾽ ὦδ᾽ ἐμμελέως πόδεσσιν

ὤρχεντ᾽ ἀπάλοισ᾽ ἀμφ᾽ ἐπόεντα βῶμον

ποίας τέρεν ἄνθος μάλακον μάτεισαι.

[Επεξεργασία] Απόσπασμα 55

Ἄβρα δηὖτε παχήᾳ σπόλᾳ ἀλλόμαν.

[Επεξεργασία] Απόσπασμα 56

Φαῖσι δή ποτα Λήδαν ὐακινθίνων

[ὐπ' ἀνθέων] πεπυκαδμένον

εὔρην ὤιον.

[Επεξεργασία] Απόσπασμα 57

Ὀφθάλμοις δὲ μέλαις νύκτος ἄωρος.

[Επεξεργασία] Απόσπασμα 59

Ψάπφοι, τί τὰν πολύολβον Ἀφρόδιταν;

[Επεξεργασία] Απόσπασμα 60

Δεῦτέ νυν, ἄβραι Χάριτες, καλλίκομοί τε Μοῖσαι.

[Επεξεργασία] Απόσπασμα 62 - Κατθνάσκει, Κυθέρηα

κατθνάσκει, Κυθέρη᾿, ἄβρος Ἄδωνις· τί κε θεῖμεν;

καττύπτεσθε, κόραι, καὶ κατερείκεσθε χίτωνας.

[Επεξεργασία] Απόσπασμα 64

Ἔλθοντ' εξ ὀράνω πορφυρίαν ἔχοντα περθέμενον χλάμυν.

[Επεξεργασία] Απόσπασμα 65

Βροδοπάχεες ἄγναι Χάριτες, δεῦτε Δίος κόραι.

[Επεξεργασία] Απόσπασμα 67

Πόλλα δ' ἀνάριθμα

ποτήρια καλαίφις.

[Επεξεργασία] Απόσπασμα 68 - Κατθάνοισα δε κείσηι

Κατθάνοισα δὲ κείσηι οὐδέ ποτα μναμοσύνα σέθεν

ἔσσετ᾿ οὐδὲ †ποκ᾿† ὔστερον· οὐ γὰρ πεδέχηις βρόδων

τὼν ἐκ Πιερίας, ἀλλ᾿ ἀφάνης κἀν Ἀίδα δόμωι

φοιτάσηις πεδ᾿ ἀμαύρων νεκύων ἐκπεποταμένα.

[Επεξεργασία] Απόσπασμα 69

Οὐδ' ἴαν δοκίμοιμι προσίδοισαν φάος ἀλίω

ἔσσεσθαι σοφίαν πάρθενον εἰς οὐδένα πω χρόνον

τοιαύταν.

[Επεξεργασία] Απόσπασμα 70

Τίς δ' ἀγροιῶτίς τοι θέλγει νόον,

οὐκ ἐπισταμένα τὰ βράκε' ἔλκην ἐπὶ τῶν σφύρων;

[Επεξεργασία] Απόσπασμα 73

Αὐτὰρ ὀραῖαι στεφανηπλόκευν.

[Επεξεργασία] Απόσπασμα 75

ἀλλ᾽ ἔων φίλος ἄμμι λέχος ἄρνυσο νεώτερον·

οὐ γὰρ τλάσομ᾽ ἔγω συνοίκην ἔοισα γεραιτέρα.

[Επεξεργασία] Απόσπασμα 76

Εὐμορφοτέρα, Μνασιδίκα, τᾶς ἀπάλας Γυρίννως.

[Επεξεργασία] Απόσπασμα 78 - Συ δε στεφάνοις, Ω Δίκα

σὺ δὲ στεφάνοις, ὦ Δίκα, πέρθεσθ᾿ ἐράτοις φόβαισιν

ὄρπακας ἀνήτω συναέρραισ᾿ ἀπάλαισι χέρσιν·

εὐάνθεα γὰρ δὴ πέλεται, καὶ Χάριτες μάκαιραι

μᾶλλον ποτόρην, ἀστεφανώτοισι δ᾿ ἀπυστρέφονται.

[Επεξεργασία] Απόσπασμα 79

Ἐγὼ δὲ φίλημ' ἀβροσύναν, καί μοι τὸ λάμπρον

ἔρος ... ἀελίω καὶ τὸ κάλον λέλογχεν.

[Επεξεργασία] Απόσπασμα 83

Δαύοις ἀπάλας ἐτάρας

ἐν στήθεσιν ...

[Επεξεργασία] Απόσπασμα 84

Δεῦρο δηὖτε Μοῖσαι, χρύσιον λίποισαι.

[Επεξεργασία] Απόσπασμα 85 - Κλεΐς

Ἔστι μοι κάλα πάϊς, χρυσίοισιν ἀνθέμοισιν

ἐμφέρην ἔχοισα μόρφαν, Κλῆϊς' ἀγαπάτα,

ἀντί τᾶς ἔγω οὐδὲ Λυδίαν παῖσαν οὐδ' ἔρανναν.

[Επεξεργασία] Απόσπασμα 87

Ζὰ δ' ἐλεξάμαν ὄναρ Κυπρογενήᾳ.

[Επεξεργασία] Τεθνάκην δ' αδόλως θέλω

[Επεξεργασία] Απόσπασμα 90 - Γλύκηα μάτερ

Γλύκηα μᾶτερ, οὔ τοι δύναμαι κρέκην τὸν ἴστον

πόθωι δάμεισα παῖδος βραδίναν δι᾽ Ἀφροδίταν.

[Επεξεργασία] Επιθαλάμια

[Επεξεργασία] Απόσπασμα 91 - Υμήναον

[Επεξεργασία] Απόσπασμα 92

Πέρροχος, ὠς ὄτ' ἄοιδος ὀ Λέσβιος ἀλλοδάποισιν.

[Επεξεργασία] Απόσπασμα 93

οἶον τὸ γλυκύμαλον ἐρεύθεται ἄκρωι ἐπ᾽ ὔσδωι,

ἄκρον ἐπ᾽ ἀκροτάτωι, λελάθοντο δὲ μαλοδρόπηες·

οὐ μὰν ἐκλελάθοντ᾽, ἀλλ᾽ οὐκ ἐδύναντ᾽ ἐπίκεσθαι

[Επεξεργασία] Απόσπασμα 94

Οἴαν τὰν υάκινθον ἐν οὔρεσι ποίμενες ἄνδρες

πόσσι καταστείβοισι, χάμαι δ' ἐπιπορφύρει ἄνθος.

[Επεξεργασία] Απόσπασμα 95 - Έσπερε, πάντα φέρηις

Ἔσπερε, πάντα φέρηις, ὄσα φαίνολις ἐσκέδασ᾽ αὔως,

φέρηις ὄιν,

φέρηις αἶγα, φέρηις ἄπυ μάτερι παῖδα.

[Επεξεργασία] Απόσπασμα 96 - Αειπάρθενος έσσομαι

[Επεξεργασία] Αριγνώτα

[Επεξεργασία] Απόσπασμα 98

Θυρώρῳ πόδες ἐπτορόγυιοι,

τὰ δὲ σάμβαλα πεμπεβόηα,

πίσυγγοι δὲ δέκ' ἐξεπόνασαν.

[Επεξεργασία] Απόσπασμα 99 - Όλβιε γάμβρε

[Επεξεργασία] Απόσπασμα 101

ὀ μὲν γὰρ κάλος ὄσσον ἴδην πέλεται κάλος,

ὀ δὲ κἄγαθος αὔτικα καὶ κάλος ἔσσεται.

[Επεξεργασία] Απόσπασμα 102

Ἦρ' ἔτι παρθενίας ἐπιβάλλομαι;

[Επεξεργασία] Απόσπασμα 103

Χαίροισα νύμφα, χαιρέτω δ' ὀ γάμβρος.

[Επεξεργασία] Απόσπασμα 104

τίωι σ᾿, ὦ φίλε γάμβρε, κάλως ἐικάσδω;

ὄρπακι βραδίνωι σε μάλιστ᾿ ἐικάσδω.

[Επεξεργασία] Απόσπασμα 106

Οὐ γαρ ἦν ἀτέρα πάϊς, ὦ γάμβρε, τοιαύτα.

[Επεξεργασία] Απόσπασμα 109 - Παρθενία, παρθενία

-Παρθενία, παρθενία, ποῖ με λίποισ' ἀποίχῃ;

-Οὐκέτι ἥξω πρὸς σέ, οὐκετι ἥξω.

[Επεξεργασία] Κύπρι και Νηρήιδες

[Επεξεργασία] Πότνια Ήρα

[Επεξεργασία] Επιγράμματα

[Επεξεργασία] Απόσπασμα 118

Παῖδες, ἄφωνος ἐοῖσα τόδ' ἐννεπω, αἴ τις ἔρηται,

φωνὰν ἀκαμάταν κατθεμένα πρὸ ποδῶν·

Αἰθοπίᾳ με κόρᾳ Λατοῦς ἀνέθηκεν Ἀρίστα

Ἑρμοκλειδαία τῶ Σαοναϊάδα,

σὰ πρόπολος, δέσποινα γυναικῶν· ᾆ σὺ χαρεῖσα

πρόφρων ἁμετέραν εὐκλέϊσον γενεάν.

[Επεξεργασία] Απόσπασμα 119

Τιμάδος ἅδε κόνις, τὰν δη πρὸ γάμοιο θανοῦσαν

δέξατο Φερσεφόνας κυάνεος θάλαμος,

ἇς καὶ ἀποφθιμένας πᾶσαι νεοθᾶγι σιδάρῳ

ἅλικες ἱμερτὰν κρατὸς ἔθεντο κόμαν.

[Επεξεργασία] Έκτωρ και Ανδρομάχη